Раководството на Европската Унија (ЕУ) потврди дека ги поддржува напорите за формирање на независна држава Палестина и дека и натаму е посветена на надминување на палестинско-израелскиот конфликт врз основа на решение за формирање на две држави.
За време на разговорите се фокусиравме на напорите за формирање на палестинска држава и за регионални теми. Ја потврдив определеноста на Европската Унија за решение врз база на воспоставување на две држави, напиша Мишел на социјалните мрежи по средбата со Шајех, пренесе агенцијата „Анадолија“.
Кабинетот на Борел соопшти дека шефот на европската дипломатија посочил оти ЕУ продолжува да го поддржува палестинскиот народ и формирањето на државата Палестина.
Борел, исто така, рече дека ЕУ се залага за продолжување на палестинско-израелските мировни преговори за праведно и сеопфатно решение и воспоставување траен мир на Блискиот Исток. Тој додаде дека ЕУ е подготвена да соработува со сите на тој план.
Борел ја изрази длабоката загриженост на ЕУ поради плановите на Израел за проширување на илегалните еврејски населби на окупираниот Западен Брег, како и депортацијата на Палестинците во регионот и тешката хуманитарна ситуација во блокираната Газа.
Тој истакна дека е загрижувачка и неодамнешната одлука на израелските власти да вклучат шест палестински невладини организации на листата на терористички организации и најави исгтрага за случајот.