Кошаркарите на Барселона доживеаја понижување во својата „Блауграна“ во третиот меч од четвртфиналето во Евролигата. Анадолу Ефес ги прегази Каталонците со 102:68 (по четвртини: 26:20, 26:19, 32:18, 18:11) и поведе со 2:1 во серијата до три победи.
Централна фигура во одржана лекција за составот на Светислав Пешиќ беше Шејн Ларкин со 30 поени кој имаше поддршка од дури пет свои соиграчи со двоцифрен број кошеви. По 14 додадоа Тибор Плаис и Василие Мициќ, 13 уфрли Адриен Морман, со 11 заврши Крунослав Симон, 10 постигна Брајан Данстон. Најефикасен кај Барса беше Адам Ханга со 13 поени.
На брејкот на Басконија во Москва, ЦСКА одговори со иста мера во Виторија. „Армејците“ славеа со 84:77 (по четвртини: 28:18, 18:21, 16:20, 22:18) и се вратија на победнички колосек во четвртфиналната серија во која водат со 2:1. Нандо де Коло беше најефикасен кај московјаните со 28 коша, 19 за домашните реализира Винсент Порие.
Евролига, четврт-финале
Барселона – Анадолу Ефес 68:102 (резултатот во серијата е 1:2)
Басконија – ЦСКА Москва 77:84 (1:2)