Европол предупредува дека џихадистите на ИСИС ќе ги зголемат напорите за напади во европските градови како резултат на битката којa ја губат на Блискиот Исток. Според Европол може да зачестат случаите со автомобил-бомби, киднапирања и слично.
Сепак во извештај на Европол се вели дека засега разузнавачките информации не даваат знак за можност на напади врз инфраструкура од типот на нуклеарни складишта.
Европол предупредува во својот извештај и дека одредена ранлива група на бегалци можат лесно да потпаднат во рацете на екстремистички регрути и за одредена сума да им се приклучат.
ЕУ досега се соочила со огромни закани и напади од организирани ќелии кои се поврзуваат со ИСИС, а се одвивале со автомобил-бомби, рачно изработени направи, експлозиви и слично.
Првиот човек на европската полиција Роб Веинрајт, додава дека бројот на разбиени екстремистички планови се зголемил поради соработката на службите на меѓународно ниво.
Веинрајт сепак предупредува од можни напади на индивидуални напаѓачи.
– Заканите се од различни места, предизвикувачки и мораме да бидеме будни и да разменуваме информации за да ги таргетираме поголемите опасности, вели Веинрајт.
Во европскиот свет неодамна, Париз беше потресен по нападите во јануари 2015 година врз канцеларијата на сатиричниот магазин „Шарли Ебдо“. Во ноември истата година, беше нападната концертната салата Батаклан и неколку ресторани во Париз при што стотици цивили загинаа.
Во март оваа година, на бриселскиот аеродром во самоубиствени напади загинаа 32 луѓе.
Во јули загинаа над 80 луѓе откако за време на прославата на Денот на Бастиља камион влета во собраниот народ и газеше пред себе. Набрзо потоа во Германија на повеќе локации беа извршени напади.