Околу 28 проценти од Европјаните не можат да си дозволат ниту една недела одмор надвор од нивното место на живеење, а тој број се искачува на дури 60 проценти во групата работници кои живеат под линија на сиромаштија,а во која Хрватска е на трето место зад Грција и Романија, стои во штотуку објавената Студија на Конфедерацијата на Европските Синдикати (CES).
Најмногу работници, чии приходи се под прагот на сиромаштија, или помалку од 60 проценти од просечната плата,се во Грција, каде 88,9 проценти не можат да заминат на одмор, посочува Европската конфедерација. Потоа следуваат Романија со 86,8 проценти и Хрватска со 84,7 проценти. Потоа следуваат Кипар со 79,2 проценти и Словачка со 76,1 проценти. Нееднаквостите меѓу најсиромашните работници и оние на одмор се зголемија во текот на изминатата деценија во 16 земји -членки, додава Конфедерацијата на Европските синдикати, потпирајќи се на податоците на Евростат.
Најголеми разлики има во Хрватска, Грција, Бугарија.
-Најголемите разлики во можноста за одмор помеѓу работниците со примања под просечната плата и другите работници се во Хрватска, Грција, Бугарија, Чешка, Франција и Романија.Зголемувањето на раслојувањето покажува дека придобивките од економскиот раст во Европа во изминатата деценија сепак не се рамномерно распределени, коментира помошникот генерален секретар на CES, Естер Линч.
CES работи на подобрување на предлогот за европска директива со која треба да се зголеми минималната плата во ЕУ, а Европскиот парламент ќе расправа по летната пауза. Синдикалната конфедерација се залага за воведување на праг на достоинство што ќе гарантира дека законската минимална плата не може да биде помала од 60 проценти од просечната плата, или помалку од 50 проценти од просечната плата во која било земја – членка. Во моментов, во 17 земји -членки на ЕУ, минималната законски загарантирана плата е помала од 60 проценти од националната просечна плата, посочува ЦЕС.
Предлогот за европска директива утврдува обврзувачки правила за 21 земја од ЕУ со минимална плата за да го поттикне нејзиниот раст, но не поставува единствен минимален европски праг. Предлогот не обврзува воведување минимална плата само во шест земји кои сеуште немаат законски дефинирана минимална плата, туку ја одредуваат преку колективни договори како што се Австрија, Кипар, Данска, Финска, Италија и Шведска. CES претставува 45 милиони членови на 89 национални синдикати во 39 европски земји и десет европски синдикални федерации.