Фајзер истражува лек во форма на таблета за спречување инфекција со Ковид-19

Компанијата Фајзер објави дека почнала истражување во кое тестира орален антивирусен лек за да спречи инфекција со Ковид-19 кај лица изложени на вирусот, пренесуваат британските медиуми. Истражувањето од средната до доцната фаза ќе го тестира лекот на Фајзер PF-07321332 врз најмногу 2.660 здрави возрасни лица, на возраст од 18 и повеќе години, кои живеат во исто домаќинство со лица со потврдена симптоматска инфекција со Ковид-19.

Лекот PF-07321332, според соопштението на компанијата, е дизајниран да ја блокира активноста на клучниот ензим потребен за репродукција на коронавирусот, заедно со ниска доза на ритонавир, кој е постар лек и кој е широко користен во комбинирани третмани за ХИВ инфекција, пренесуваат британските медиуми.