Погодокот на Ал Давсари во петтата минута од судиското екстра време за триумф на Саудиска Арабија над Египет со 2:1 на СП 2018 беше фатален во животот на Абдел Рахим Мохамед. Поранешниот египетски фудбалер и тренер беше ангажиран како стручен коментатор на ТВ куќата „Нил спортс“, но возбудата беше преголема за него и по завршување на мечот доживеа мозочен удар. По првата помош што му беше укажана во студио, итно беше префрлен во болница во Каиро, но половина час подоцна беше констатирана смрт.
Поранешниот, пак, голман Ахмед Фавзи, чиј гостин беше Мохамед во преносот од последниот настап на „фараоните“ на мундијалот во Русија сведочи за ужасни моменти што му претходеле на ужасниот момент.
„Уште порано се жалеше на болки во градите и се чувствуваше напнато“, рече Фавзи за египетските медиуми.
Саудиска Арабија и Египет играа само за престиж во завршното коло во групата А на Светското првенство со оглед дека и двете репрезентации се соочија со елиминација по дуелите со Уругвај, односно, Русија.