Долго време во тенисот единствено прашање беше дали Ѓоковиќ ќе го престигне Федерер на вечната листа по бројот на гренд слем пехарите (17:12 за Швајцарецот). Карикатурата на Федерер на која со стап полека влегува во пензија, овој ден би можела да ја смени друга, шампионска слика. Или Рафа, исто така прерано отпишан, ќе се вклучи во трката за најдобар во историјата.
Дали Федерер ќе ја земе 18. или Надал 15. гренд слем титула е прашање од 8.400 австралиски долари (6.340 американски). Толку вчера можеше да се купи најскапата карта за финалето во Мелбурн. Најефитините влезиници за финалниот дуел на почетокот на турнирот чинеа нешто повеќе од 400 австралиски долари, но никој не можеше да претпостави дека за трофеј ќе се борат двајца заборавени асови.
„Враќањето на отпишаните“ на големо платно на „Род Лејвер Арената“ сега ќе го гледаат само среќници кои на време резервирале вредно парче на хартија, мислејќи дека за титула ќе се борат Мареј и Ѓоковиќ, како и оние со длабоки џебови, бидејќи најефтината карта чини 2.800 долари.