Над 30 страни кои се управувале од Македонија, се отстранети од Фејсбук последните два месеца поради прекршување на повеќе правилности на социјалната мрежа, пишува „Базфид“ во својот текст под наслов „Македонските објавувачи паничат откако Фејсбук им ги стопираше политичките сајтови.“
Повеќето од сајтовите биле за политиката во САД, но според објавувачите, тие исто така загубиле пари по “казната“ од Фејсбук на нивни натписи за коли, мотори и слично.
За Велес веќе слушнаа насекаде во светот откако оттаму се објавуваа лажни вести за време на американските изборни кампањи, а подоцна преку објавените стории на повеќе домашни и светски медиуми се дозна дека истите биле пишувани претежно од тинејџери.
Еден од нив се пожалил во изјава за „Базфид“ дека е во голема загуба.
„Јас сум во многу неблагодарна ситуација во моментов, откако потрошив огромни средства на Фејсбук за промоција на натписи и лајкови, а сега немам ништо од тоа“, вели неименуван креатор на лажни вести од Велес.
Друга пак, потошил 100.000 долари на промоција на Фејсбук за што добил над 1.5 милиони лајкови, и со тоа смета дека доколку Фејсбук им дозволува уплати, тие работеле чисто.
Сепак, од Фејсбук велат, Македонија не е изолиран случај и дека целата акција е со цел да се спречи непотребното спамирање, креаторите на лажни вести и други кои ги прекршуваат термините на социјалната мрежа.
Но ова според неименуван портпарол на Фејсбук, е исто така и за да се стави до знаење дека никој не ја поседува глобалната социјална мрежа без разлика колку пари планира да потроши или да направи преку неа.
Се претпоставува дека стопирањето на ваквите содржини доаѓа исто така и поради тоа што американските објавувачи на исти содржини лобирале да се преземе ваква мерка бидејќи велешани им ги краделе содржините и заработувале на нивната работа.