Платата на јавните обвинители за минатиот месец стигнала а 20 отсто поголема од претходните месеци, дознава НОВА ТВ. Покачувањето на платите кое ги опфатило сите обвинители во државата и сите јавнообвинителски службеници, било дадено како Додаток за плата за посебни услови при работа, Додаток на плата за постоење на висок ризик, Додаток за плата за доверливост и Додаток на плата за ноќна работа, работа во смени и прекувремена работа.
Како што велат нашите извори, во јануари, по основ Додаток на плата за ноќна работа, работа во смени и прекувремена работа на сите обвинители им биле исплатени по 60.000 денари.
Како што дознаваме на раководителите на пониските јавни обвинителства им било строго забрането зголемувањето на платите да се објави во јавност за да не предизвика револт кај народот и кај судиите кои досега земаа иста плата.
Поради ова зголемување на платите, судските службеници се во преговори повторно да почнат да штрајкуваат поради изедначување на статусот на судските и јавнообвинителските службеници. Како што најавуваат, од штрајкот нема да отстапат се додека не се изедначи статусот меѓу судските и јавнообвинителските службеници.
НОВА ТВ побара од одговор од Републичкиот обвинител Марко Зврлевски дали е точно дека се покачени платите на јавните обвинители и службите, но тој ни одговори дека моментално вози и нема концентрација да ни одговори. Откако го побаравме подоцна, не ни крена телефон.
Во рамки на многуте обуки и конференции кои се спроведуваа изминатите две децении, со поддршка на меѓународните донатори со цел да се обезбеди ефикасно спроведување на правдата, постојано се потенцираше потребата за поголема финансиска независност во судската власт. Низ годините извештаите на ЕК редовно го лоцираа проблемот на нестабилното финансирање на правосудните органи. До скоро, обвинителствата и судовите низ Македонија немаа доволно средства ниту за интернет конекција и службен весник. Платите на судиите и обвинителите, исто така беа посочувани како нужна потреба во демократските општества со цел да се лимитра корумпираноста на овие институции.
Провладините медиуми и политичарите во Македонија, редовно ги напаѓаа обвинителите од Специјалното јавно обвинителство дека земале повисоки плати.