Published: Tuesday, November 20, 2018 00:33
Пола милион евра ќе поделат фудбалерите и стручниот штаб за освоеното прво место во групата во Лигата на нации што обединува напредок во Ц дивизија и разигрување за место на Европското првенство во 2020 година. Ова вкупната премија што ја потврди Фудбалската федерација на Македонија (ФФМ) набрзо по натпреварот со Гибралтар на „Филип Втори“ арената во Скопје.
Македонската фудбалска репрезентација ја оправдата фаворитската улога во најслабата конкуренција на новоформираното натпреварување на УЕФА. Беше доминантна во шесте одиграни меча, суверено ја покори конкуренцијата што ја сочинуваа Ерменија, Лихтенштајн и на Гибралтар и со само еден загубен меч обезбеди место во поквалитетен ранг за сезоната 2020/21.