Светската фудбалска федерација (ФИФА) покрена постапка против швајцарските репрезентативци Џердан Шаќири и Гранит Џака поради начинот на кој ги прославија головите на натпреварот со Србија.
Џака и Шаќири головите против Србија ги прославија со знак кој асоцира на орел, алудирајќи на орелот на албанското национално знаме.
Фудбалскиот сојуз на Србија упати жалба до ФИФА со образложение дека тоа било провокација за српските фудбалери. Еден од уредниците на швајцарскиот весник Блик, Анреас Бени на Твитер објави дека светската фудбалска организација покренала дисциплинска постапка.
Исто така ФИФА отворила и прелиминарна истрага против селекторот на Србија Младен Крстаиќ поради неговите изјави за судијата по натпреварот. Тој меѓудругото рече дека судијата Феликс Брих би го испратил во Хаг.
Дисциплинска постапка е отворена и против Фудбалскиот сојуз на Србија поради „политички навредливите пароли“ на навивачите на Србија на истиот натпревар.