Македонската Филхармонија ги одложува сите концерти до крајот на месецот. Одлуката на Националната Установа е поради новонастанатата ситуација во земја и препораките на Владата од 10 март за одложување на јавните собири и настани.
„Средствата за билетите што публика веќе ги има купено на билетарницата ќе им бидат вратени, а доколку билетите се купени онлајн, тогаш купувачите треба да испратат електронска порака на biletifilharmonija.org.mk. Во неа треба да го наведат бројот на нарачката, датумот и сатницата кога е иницирано плаќањето и средствата ќе им бидат рефундирани по електронски пат“, информираат од Филхармонија.
Билетарницата на Филхармонија ќе работи со скратено работно време од понеделник до петокод од 10 до 14 часот, а за натамошната реализација на програмата, Филхармонија дополнително ќе ја информира јавноста.