Велес не е ново жариште за ширење на коронавирусот бидејќи инциденцата е многу мала, помала и од Куманово и од Прилеп. Сите случаи се поврзни со веќе докажани пациенти, односно дефиниран е кластерот, изјави министерот за здравство Венко Филипче на денешната прес-конференција.
„Ја знаеме кластер-групата и во таа смисла не е некоја неконтролирана трансмисија и не е потенцијално жариште бидејќи имаме увид. Како што најавив денеска во ЦЈЗ присутни се како поддршка и за дополнителна стручна консултација луѓе од ИЈЗ и ДСИ за подетално да се направи анализа на овие случаи. Разговарав и со директорот во болницата во Велес. Така што целокупната ситуација во Велес е под контрола“, рече Филипче во врска со зголемувањето на бројот на нови случаи во овој град во последните неколку дена.