Психолошката драма „Мими“, вториот игран филм на Даријан Пејовски, ќе биде прикажана во дополнителни термини во кинотечната јануарска програма, заради голем интерес кај публиката.
Кинотеката резервираше дополнителни три проекции на филмот во рамки на јануарската програма на 18, 20 и 21 јануари со почеток во 20:00 ч.
„Мими“ по премиерата на филмскиот фестивал „Синедејс“ во Скопје забележа учество и на филмските фестивали во Пула, и Херцег Нови…
Станува збор за психолошка драма за девојка која потисната од родовите предрасуди во родниот крај доаѓа да живее во Скопје. Работи во трафиката кај својот вујко и повремено ќе се заинтересира за некој од муштериите. Се запознава со екстровертната Сара и меѓу нив се раѓа пријателство што набрзо преминува во многу повеќе од искрено дружење без обврски. Минатото, болно и таинствено, заради кое побегнала во метрополата, пополека ѝ се враќа на Мими, ја мачи и опседнува.
Игран филм, С. Македонија / Хрватска / Црна Гора
Македонски продуцент, Скопје филм студио
2002, 100 мин., колор, ДЦП
Режијa: Даријан Пејовски
Сценарио: Даријан Пејовски
Улоги: Наталија Теодосиева, Тамара Ристоска, Оливер Митковски, Петар Мирчевски, Владимир Петровиќ
Возрасна категорија: 16 години
Влезница: 100 денари