Финалето на Лига Европа постави рекорд по број на жолти картони

Главниот судија на финалето на Лига Европа Севилја – Рома (1:1, пен. – 4:1) Ентони Тејлор покажа 13 жолти картони. Шпанскиот тим доби шест опомени, додека италијанскиот тим седум.

Финалето во 2023 година е рекордно по број на жолти картони.

Исто така, пред Рома, ниту една екипа нема добиено седум жолти картони во финалето на вториот најважен европски куп.

Токму критериумот за доделување на жолти картони што го практикуваше Тејлор беше причина тренерот на Рома, Жозе Мурињо, бурно да реагира по завршувањето на натпреварот. Тој судењето го оцени како срамно.