Светската фудбалска ацоцијација (ФИФА) потврди дека втора година по ред бележи негативни финансиски резултати во работењето. Загубите во 2015 година изнесуваа 122 милиона долари, по ревизијата беа сведени на 52 милиона, а лани нараснале до 369 милиони долари. Како причини за тоа, од седиштето на организацијата во Цирих, ги посочуваат лошите инвестиции, промената во сметководствените правила и високите трошоци за истражување на скандалите поврзани со поранешниот претседател Сеп Блатер.
Но, прогнозите се песимистички и за 2017 година во која се очекува загубите да достигнат 489 милиони долари. Тоа би се одразила и на резервите на ФИФА што би паднале на 605 милиони долари. Простор за паника од финансиски аспект, сепак, нема и покрај годишните минуси. Како непрофитна организација која работи на четиригодишни циклуси, сметката ќе се „изпегла“ наредната година со Светското првенство во Русија.
Мундијалот во Русија се очекува да ѝ донесе профит на ФИФА од 1,1 милијарда долари за позитивен биланс на циклусот и враќање на резервите на ниво од 1,7 милјарди долари.
Од ФИФА тврдат дека за истрага на скандалите со мито и корупција на Сеп Блатер се потрешени дури 50 милиони долари, а промената на техниките во сметководствените правила „изела“ дополнителни 35 милиони.
Како извор на лошите инвестиции се цели на Музејот на ФИФА во Цирих. Проектот беше на поранешниот претседател Сеп Блатер и чинеше 138 милиони долари и во 2016 година генерираше 50 милиони долари. Годишно се забележани посети од 11.000 лица, бројка што се очекуваше да биде, во најмала рака, двојно поголема.