Скандалот наречен „Флорентино Перез“ продолжува да го тресе Мадрид и еден од најголемите светски фудбалски клубови – Реал. Ден по објавата на аудио снимки што датираат од 2006 година во кои Раул Бланко и Икер Касилјас ги нарекува манипулатори, во јавноста излегоа нови инкриминирачки материјали од претседателот на „кралскиот клуб“.
Перез во некои од своите изјави за време на својот прв мандат во Реал рекол дека Раул Бланко и Икер Касилјас се манипулатори што сега објави весникот „Ел Конфиденсијал“ кој сега пронајде нови проблематични зборови што ги припишува на Перез.
Потекнуваат од 2012 година и во нив се слуша како Флорентино Перез ги нарекува Кристијано Роналдо и Жозе Мурињо егоисти и идиоти, иако двајцата оставија длабока трага на „Сантијаго Бернабеу“.
– Кристијано Роналдо е луд. Тој е идиот и болен човек. Ќе помислите дека е нормален, а потоа ќе сфатите дека не е, затоа што нормален човек не би правел такво нешто. Тој е човекл со големо его и размазен е. Прави што сака, наводно рекол Перез за потоа да се фокусира на Мурињо.
– Жорж Мендеш не го контролира Кристијано, баш како што не го контролира ниту Мурињо. Влијание нула. Тоа се момци со сериозно его, двајцата се размазени и не ја гледаат реалната слика, бидејќи можеа да заработат многу повеќе доколку беа попристапни. Тое двајцата се ненормални, бидејќи говориме за големи пари од права за фотографии. Исто така, со лицата што ги имаат и тие пркосни изрази на нив дека никој не ги сака прават спротивен публицитет, се наводни зборови на Перез што ги пренесува „Ел Конфиденсијал“.
Но, Перез не запира само на Роналдо и Мурињо и очигледно има против Португалците.
– Коентрао е уште еден фудбалер без мозок. Реал Мадрид ги „изеде“. Коентрао го „изеде“ притисокот. Тој е ѓубре играч, рекол Перез, според „Ел Конфиденсијал“.