Претставничкиот дом на Флорида вчера го одбри законот со кој се ограничува пристап до огнено оружје, но се отвора и патот за вооружување на персоналот во школите, како одговор на неодамнешниот масакр во паркленд во ова сојузна американска држава.
Откако беше поддржан од Сенатот, овој закон познат и како закон за јавна безбендост Марџори Стоунмен Даглас, според средното училите каде се случи масакрот, помина и во Претставничкиот дом, каде 67 гласале за, а 50 биле против.
Во февруари Никола Круз уби 17 ученици и наставници, а рани 15. Обвинителите првично бараа смртна казна за него, но подоцна изјавија дека доколку признае вина ќе се откажат од тоа.
За да стапи на сила тој мора да биде ратификуван од гувернерот на Флорида Рик Скот, но тој се уште не се изјаснил дали ќе го потпише. Доколку Скот не стави вето, законот автоматски стапува на сила по 15 дена од изгласувањето.
Скот неодамна јавно рече дека е против предлогот на претседателот Доналд Трамп да се вооружат наставниците.
Со новиот закон се подига старосната граница за купување оружје од 18 на 21 година и предвидува рок од три дена од моментот на подн есување на барање до купувањето на оружјето.
Сепак со овој закон не се забранува продажба на автоматско оружје, иако тоа беше главното барање на учениците и на родителите од ова училите на Флорида.
Новиот закон овозможува вооружување на дел од персоналот во јавните училишта, но не и на наставниците.