По ударот врз Куба и островите на Карибите, ураганот Ирма се очекува да има сериозен импакт и врз западниот брег на Флорида.

Иако првичните проценки беа дека се работи за ураган од категоријата 5, сега е намалена и категориајта варира, откако го погоди кубанското крајбрежје со ветрови со силина до 200 километри на час.

Утринава бурата се движи кон Флорида Кис, и повторно ја зголеми силата и беше класифицирана како ураган од категоријата 4 со постојани ветрови од 210 километри на час.

Гувернерот на Флорида, Рик Скот, нареди евакуација на повеќе од пет милиони луѓе од очекуваната патека на бурата во државата.

Речиси целата држава Флорида е пред опасност од ураганот, што значи дека 36 милиони луѓе можат да бида погодени од бурата ветровите и дождовите.

Најмалку 20 смртни случаи на Карибите се пријавени од ефектите на Ирма.

Се очекува да дојде до поголемо уништување, бидејќи ураганот Хозе, бура од категорија 4, се движи по патот на многу од истите острови.