Американската тенисерка Серена Вилијамс и четврта година во низа е најплатена светска спортистка според угледниот магазин „Форбс“. Во извештајот се наведува дека сопственичката на 23 гренслем трофеи заработи 29,2 милиони долари за 12 месеца од кои 4,2 милиона долари се турнирски награди, а останатиот приход е од спонзорски договори и разни други основи.

На листата на „Форбс“ доминираат тенисерките, а веднаш зад Серена Вилијамс е Јапонката Наоми Осака со 24,3 милиони долари пред поранешната вимблдонска шампионка, Анџелик Кербер со 11,8 милиони долари.

При пресметките на „Форбс“ за годишните заработувачки се земаат во предвид приходи од настапи на турнири од 1 јуни во 2018 година до 1 јуни во 2019 година, потоа спонзорски договори, бонуси, плати, итн.

Најдобро платена спортиска на листата на „Форбс“, а која е надвор од тенискиот свет, е американската фудбалерка Алекс Морган на 12 место со 5,8 милиони долари. Покрај неа, во топ 15 се уште и индиската репрезентативка до бадминтон, ПВ Синдху и тајландската голферка, Арија Јутанугарн.