Published: Saturday, April 15, 2017 22:16
Валтери Ботас ќе има чест да ја поведе третата трка во Формула 1 шампионатот во оваа сезона. Финскиот пилот на Мерцедес беше најбрз во квалификациите за утрешното гранпри на Бахреин и до првата пол-позиција во кариерата стигна со 23 илјадити делови од секундата подобро време од тимскиот колега Луис Хамилтон.
Од вториот ред ќе стартуваат Германецот Себастијан Фетел (Ферари) и Австралиецот Даниел Рикардо (Торо Росо). Најдобрите десет, редоследно, ги комплетираа Кими Раиконен (Ферари), Макс Ферстапен (Ред Бул), Нико Хулкенберг (Рено), Фелипе Маса (Вилијамс), Роман Грожан (Хас) и Џолион Палмер (Рено).
Почетокот на трката за ГН на Бахреин е утре попладне (недела) во 17 часот по средноевропско време.