Еден-два триумф на Ферари во трката за ГН на Монако, шеста во тековната сезона во Формула 1 шампионатот. Лауреат беше Себастијан Фетел кој до третата победа во 2017 година, по Австралија и Бахреин, стигна со време 1:44:44,340 часа. Второто место го освои Финецот Кими Раиконен (+3,145 сек.), кој тргна од пол-позицијата, подиумот го дополни Даниел Рикардо од Ред Бул (+3,475 сек.).
За тимот од Маранело ова е вкупно десетти триумф во Кнежевството, прв по пауза од 16 години, за Фетет, пак, е 45. во кариерата. втор во Монако.
Бодови освоија уште Валтери Ботас, Макс Ферстапен, Карлос Сајнц јуниор, Луис Хамилтон, Роман Грожан, Фелипе Маса и Кевин Магнусен. Трката од свечената ложа на стартно-целната рамнина ја следеше и Принцот на Алберт во придружба на Принцезата Шарлен.
Фетел се зацврсти во генералниот пласман со 129 бода пред Хамилтон кој сега има 104. Останатите пилоти во шампионат засега се далеку од трицифрената граница.
Ферари е лидер во севкупниот редослед кај конструкторите со 196 бода, втор е Мерцедес со 179, дури 82 повеќе од Ред Бул на третото место.
Следната трка во Формула 1 шампионатот е за ГН на Канада на 11 јуни.
Резултати од трката за ГН на Монако
Себастијан Фетел (Ферари/Германија) 1:44:44,340 часа
Кими Раиконен (Ферари/Финска) +3,145 сек.
Даниел Рикардо (Ред Бул/Австралија) +3,745 сек.
Валтери Ботас (Мерцедес/Финска) +5,517 сек.
Макс Ферстапен (Ред Бул/Холандија) +6,199 сек.
Карлос Сајнц Јр. (Торо Росо/Шпанија) +12,038 сек.
Луис Хамилтон (Мерцедес/В. Британија) +15,801 сек.
Роман Грожан (Хас Ферари/Франција) +18,150 сек.
Фелипе Маса (Вилијамс Мерцедес/Бразил) +19,445 сек.
Кевин Магнусен (Хас Ферари/Данска) +21,443 сек.
Генерален пласман кај возачи
Себастијан Фетел 129 бода
Луис Хамилтон 104
Валтери Ботас 75
Кими Раиконен 67
Даниел Рикардо 52
Макс Ферстапен 45
Серхио Перез 34
Карлос Сајнц Јр. 25
Фелипе Маса 20
Естебан Окон 19
Генерален пласман кај конструктори
Ферари 196 бода
Мерцедес 179
Ред Бул 97
Форс Индија Мерцедес 53
Торо Росо 29
Вилијамс Мерцедес 20
Рено 14
Хас Ферари 14
Заубер Ферари 4
Мекларен Хонда 0