Луис Хамилтон беше најумешен и ја извозе, можеби, решавачката трка за шампионската титула во Формула 1 шампионатот за оваа сезона. Британскиот пилот на Мерцедес триумфира за Големата награда на Сингапур со време од 2:03:23,544 часа за голем исчекор кон преземање на тронот од Нико Розберг. Второто место го освои Австралиецот Даниел Рикардо од тимот на Ред Бул (+4,507 сек.), трет беше Валтери Ботас (+8,800 сек.).
Дебакл доживеаја возачите на Ферари, Себастијан Фетел и Кими Раиконен. Финецот на стартот се судри со Макс Ферстапен, а во карамболот беше опфатен и Германецот кој тргна од пол-позицијата. Трката на влажната патека во Сингапур беше завршена од безбедносни причини по нешто повеќе од два часа, а без пласман, покрај тројката, останаа и Кевин Магнусен, Нико Хулкенберг, Маркус Ериксон, Данил Квјат и Фернандо Алонсо.
Со седмата победа во сезоната, вкупно 60. во кариерата, Хамилтон ја зголеми предноста во генералниот пласман на 28 бода во однос на Фетел на шест трки во крајот. Британецот има 263 бода наспроти Фетел кој е втор со 235 и Ботас на третата позиција со 212.
Наредната трка во Формула 1 шампионатот е за ГН на Малезија на 1 октомври.
https://www.youtube.com/watch?v=P9B9HZ7DBjM
Резултати од трката за ГН на Сингапур
Луис Хамилтон (В. Британија/Мердецес) 2:03:23,544 часа
Даниел Рикардо (Австралија/Ред Бул) +4,507 сек.
Валтери Ботас (Финска/Мерцедес) +8,800 сек.
Карлос Сајнц Јр. (Шпанија/Торо Росо) +22,822 сек.
Серџо Перез (Мексико/Форс Индија) +25,359 сек.
Џолион Палмер (В. Британија/Рено) +27,259 сек.
Стофел Вандорн (Белгија/Мекларен) +30,388 сек.
Ленс Строл (Канада/Вилијамс) +41,696 сек.
Роман Грожан (Франција/Хас) +43,282 сек.
Естебан Окон (Франција/Форс Индија) +44,795 сек., итн.
Генерален пласман кај возачи
Луис Хамилтон 263 бода
Себастијан Фетел 235
Валтери Ботас 212
Даниел Рикардо 162
Кими Раиконен 138
Макс Ферстапен 68
Серџо Перез 68
Естебан Окон 56
Карлос Сајнц Јр. 48
Нико Хулкенберг 34, итн.
Генерален пласман кај конструктори
Мерцедес 475 бода
Ферари 373
Ред Бул 230
Форс Индија 124
Вилијамс 59
Торо Росо 52
Рено 42
Хас 37
Мекларен 17
Заубер 5