Британскиот премиер во оставка Борис Џонсон, од своите соработници денес доби подарок по повод збогувањето од неговата премиерска функција кое најверојатно ќе се случи на почетокот на септември. Подарокот се состои во 6-те тома книга на Винстон Черчил, Историја на Втората светска војна. Но со оглед дека Џонсон пишувал биографија на неговиот идол Черчил, тој најверојатно веќе и ја има историската едиција, коментираа политичките посматрачи.
„Книгите од Черчил, херој на Џонсон, му беа подарени на премиерот од неговиот цел кабинет“, рече портпаролот на Даунинг стрит. Подарокот е за неговото служење на Велика Британија, додаде портпаролот.
Со оглед дека почнува сезоната на летни одмори Борис Џонсон денеска се фотографираше со неговиот кабинет, фотографија која според познавачите, најверојатно ја означува последната заедничка средба. (Р.Н.)
