Момче кое играше шах со робот заработи скршеница на прстот откако роботот му ја фати раката и не му ја пушташе додека не притрчаа други учесници да му помогнат. Веста ја соопшти претседателот на Московската шаховска федерација Сергеј Лазарев за државната новинска агенција ТАСС.
Сергеј Лазарев рече дека инцидентот се случил на Московскиот шаховски турнир, откако момчето сакало да биде побрзо од роботот.
„Робот го скрши прстот на детето – ова е, се разбира, лошо“, рече Лазарев.
„Роботот е изнајмен од нас, долго време е изложен на многу места од специјалисти. Очигледно, операторите превиделе некои недостатоци. Детето направило потег, а после тоа треба да се даде време роботот да одговори со свој потег, но момчето побрза да направи пак потег, и роботот го зграпчи“, рече тој.
Момчето продолжи да се натпреварува на форумот откако му го ставија прстот во гипс, изјави Лазарев.
„Детето играше следниот ден, го заврши турнирот во гипс “, додаде Лазарев.
„Ќе се координираме за да разбереме што се случи и ќе се обидеме да му помогнеме на семејството на детето на кој било начин. А операторите на роботот, очигледно, ќе мора да размислуваат за зајакнување на заштитата за да не се повтори таква ситуација“, рече тој.
На видеото објавено на каналот Baza Telegram се гледа како роботот го фаќа прстот на момчето. По кратка борба, неколкумина притрчуваат и помагаат да се ослободи раката на детето од раката на роботот.
„На роботот не му се допадна таквото брзање – го фати показалецот на момчето и силно го стисна. Луѓето притрчаа да помогнат и го извлекоа прстот на младиот играч, но скршеницата не можеше да се избегне“, објави каналот Baza Telegram.
Московскиот шаховски турнир се одржа во руската престолнина од 13 до 21 јули. (Си-Ен-Ен)
Видео на следниов линк