Франција денес избира претседател, а како што заклучуваат аналитичарите, се работи за избори кои се претворија во референдум за членство во ЕУ и употребата на еврото во земјата.
Ако се погледне анализата на „Вол стрит Журнал“, направена во 12 градови и села во Франција, ќе се забележи дека станува збор за најдлабоката политичка поделба во Западна Европа.
Во урбаните места, вработените барале кандидати кои ќе се залагаат за поправање на ЕУ, делувајќи од внатре, со цел да ја зајакнат а не да ја растурат.
Во руралните и индустриските региони каде е највисока невработеноста луѓето биле поотворени за подрастични решенија: како напуштање на ЕУ со надеж дека националистичките економски политики ќе вратат просперитет.
Но иако сега има 11 кандидати на гласачкото ливче. реални шанси, според аналитичарит, имаат четворица од нив за да влезат во вториот круг.
Марин Ле Пен, Франсоа Фиљон, Емануел Макрон и Жан-Лук Меленшон се политичарите со најголеми шанси за влез во вториот круг, кој треба да се одржи на 7.мај.