До 17 часот на избирачките места во Франција излегле 69,42 опотсто од гласачите на претседателските избори во земјата, соопшти МВР.
Претседателот во заминување Франсоа Оланд изјави дека најдобра порака од претседателските избори би била ако граѓаните излезат на гласање, за да покажат дека демократијата е посилна од се.
Според најавите, изборниот ден ќе го обезбедуваат 50 илјади полицајци и седум илјади војници, поради вонредната состојба во земјата воведена по низата терористички напади од 2015 година досега, во кои беа убиени над 230 луѓе.
Поради сомнително возило едно гласачко место во Безансон е евакуирано, но по проверките било повторно отворено.
Четворица со најголеми шанси за втор круг
Со 11 претседателски кандидати вкупно- од крајната левица до крајната десница, од кои избираат 47 милиони регистрирани гласачи, француските избори претставуваат важен тест и за ЕУ и за популистичките лидерти кои посакуваат нејзин распад.
Во првиот круг, четворица кандидати се со најголоеми изгледи да влезат во вториот, одлучувачки круг што ќе се одржи за две недели, и на кој двајца кандидати со најдобар резултат ќе се соочат.
Фаворите е новиот лик, кој не е кандидат на политичка партија, туку на движење, Емануел Макрон. Во водечкиот двоец е и кандидатката на Националниот фронт, Марин Ле Пен, а веднаш до нив е Жан Лук Меланшон. Аналитичарите не исклучуваат, Французите во вториот круг да избираат меѓу крајната десница и крајната левица.
Макрон (39) поранешен банкар кој по две години го напушти министерското место за економија минатиот август за да основа сопстевни движење под назив „На марш“, би ја победил Ле Пен или кој било друг кандидат вториот круг, покажуваат резултатите од најновата анкета на американскиот институт Харис интерактив, додека со ова предвидување се согласуваат и прогнозите на другите анкети.
Макрон себе си се претставува како „непријател на национализмот“ и кандидат на отворена Франција која има свои интереси- безбедносни, економски и социјални кои сака да ги брани, но да делува во отворен свет.
Тој со себе ги повлече и гласачите на кандидатот на Социјалистичката партија, Бено Амон, кој не ужива голема поддршка.
Анкетата на Харис интерактив покажува дека Меланшон кој од учесник со незабележителни шанси стана сериозен кандидат благодарени на борбените телевизиски настапи и со мудрата кампања преку социјалните мрежи, е на исто рамниште со Фијон, што се однесува до популарноста, со поддршка од 19% .