Францускиот Парламент синоќа се изјасни „за“ продолжување на вонредната состојба во земјата до 10 јули. Некои пратеници и во Сенатот и во Националното собрание изразија загриженост за импликациите на Законот за индивидуалната слобода, пренесува „Си-Ен-Ен“.
„Поради тоа, францускиот претседател Емануел Макрон ќе го упати законот до Уставниот совет, тело кое ќе испита дали е во согласност со францускиот Устав“, изјави портпаролот на Елисејската палата.
Вонредната состојба и овозможува на Владата законска рамка да преземе невообичаени мерки за борба против пандемијата од ковид-19, вклучително и патни ограничувања и мерки за физичка дистанца.