Фронтот за демократска Македонија (ФРОДЕМ) реагира дека со договорот од Пржино власта манипулира и не го спроведува. Според нив, жално е што агонијата на македонските граѓани продолжува и понатаму со сѐ посилен интензитет, па затоа на закажаните преговори на политичките лидери со меѓународните посредници во Виена задолжително сметаат дека треба да има и претставници на граѓанскиот сектор.
„ФРОДЕМ од медијаторите и претставници на ЕУ и САД бара во преговорите во Виена да бидат вклучени и претставници претставници на граѓанските организации и асоцијации, (вклучително и ФРОДЕМ и слични организации, движења и фракции за демократизација). Резултат на оваа средба треба да бидат цврсти гаранции и рокови за примената на договорот од Пржино, заедно со значајни дополненија со кои ќе се создаат реални предсулови за излез од кризата.
Потписниците на договорот треба да гарантираат: Поништување на донесените акти за аболиција и повлекување од функцијата од страна на Ѓ. Иванов поради нанесената несогледлива штета на Република Македонија, Целосно овозможување на условите за професионална работа на Специјалното јавно обвинителство, особено во смисла на соработка со институции и судови, отстранување на заканите за нејзиното работење кои доаѓаат од страна на Уставниот суд на РМ и спроведување санкции и барање одговорност од Советот на јавни обвинители, Формирање на техничка влада која на крајот на месец септември ќе спроведе фер, демократски и регуларни парламентарни и претседателски избори.“ се вели во соопштението.
Од ФРОДЕМ исто така велат дека потписниците треба да гарантираат доследно спроведување на останатите договорени обврски од договорот од Пржино (департизација на администрацијата, со посебен нагласок на правосудството, прочистен избирачки сисок и демонополизиација и регулација на медиумскиот простор), формирање на специјален Суд односно посебно судско одделение во рамките на постојниот кривичен суд надлежно за судење на случаите кои ке произлезат од прислушуваните разговори, доследно спроведување на определбата за евроатланска интеграција, на која основа сите партии добија неподелена поддршка на претходните избори.