Фудбалерите на Шкендија го остварија посакуваното во првиот меч со Дачија од воведната квалификациска рунда за Лига Европа. Македонскиот вицешампион го совлада молдавскиот со 3:0 за мирен реванш на 6 јули во Кишињев. Стрелци за тетовци на стадионот „Младост“ во Струмица беа Бесарт Ибраими во седмата минута од пенал, Марјан Радески во 11. зголеми на 2:0, а истиот фудбалер во 75. го постави конечниот резултат.
Младинскиот репрезентативец беше централна фигура во фудбалската пресметка со Молдавците. Ја изнуди најстрогата казна што во водство ја претвори членот на македонската сениорска селекција, по асистенција на Жуниор го реализира првиот погодок, а по додавање на капитенот Ферхан Хасани и вториот за потврда дека за квалитативното натежнување на страна на „црвено-црните“. Одлична партија попладнево и од Ибраими и Хасани во дресот на Шкендија.
Домашните, покрај трите гола, имаа уште неколку прилики за поубедлива победа, но и вака, се чини, се доволни за пласман во второто коло во кое ќе играат со подобриот од двомечот меѓу велшки Конах и Хелсинки.
https://www.youtube.com/watch?v=62-RQ_eoUGI
Лига Европа, 1 квалификациско коло, прв меч
Шкендија – Дачија 3:0 (2:0)
Стадион: „Младост“ во Струмица. Гледачи: 2.500. Гл. судија: Криштоф Јакубик. Асистенти: Марсин Борковски и Томаш Ниемировски (сите тројца од Полска). Ж. картони: Тодоровски (Шкендија); Пашченко (Дачија). Стрелци: Ибраими 7′ (п), Радески 10′, 75 ‘ за Шкендија.
Шкендија (формација: 4-2-3-1): Захов – Челиковиќ (Мурати 62′), Цуцули, Бејтулаи, Тодоровски – Вујчиќ, Алими – Жуниор (Тотре 87′), Радески, Хасани (Абдурахими 78′) – Ибраими. Тренер: Ќатиш Османи.
Дачија (формација: 4-3-3): Ралеан – Фортес, Мамах, Драшковиќ, Сеоане – Гавриленко, Јалба (Андроник 69′), Пашченко – Диара (Илеску 59′) – Олисаев (Бејан 54′), Пуношевац. Тренер: Виорел Фрунца.