Луис Енрике си остана на зборот. „Ако ПСЖ можеше да постигне четири гола во првиот меч, ние можеме шест во реваншот“, рече тренерот на Барселона пред реванш мечот во осминафиналето во Лигата на шампиони. Тоа и се случи. Четирите гола што ПСЖ ги постигна против Барселона во Париз не беа недоволни за францускиот тим за место меѓу осумте најдобри во Лигата на шампиони.
Каталонците ги совладаа парижани со 6:1 и станаа прва екипа што успеала да анулира четири гола во нокаут фаза во Лигата на шампиони. Подвиг беше комплетиран во петтата минута од судиското продолжение со голот на Серхи Роберто. Свое место во историјата, претходно, обезбедија Луис Суарез во третата минута, Курзава постигна автогол во 40′, Меси го матира Трап во 50′ од пенал, а Нејмар во 88′ и 90’+1′ од белата точка. Почесниот за „светците“ го даде Единсон Кавани во 62′.
Во четврт-финале вечерва се проби и екипата на Борусија Дортмунд која на „Вестфален“ ја победи Бенфика со 4:0. Хет-трик постигна Пјер Емерик Обамејанг во 4 минута’, во 61′ и во 85′, Пулишиќ реализира во 59′. Португалците го добија првиот меч во Лисабон со 1:0.
Лига на шампиони
Барселона – ПСЖ 6:1 (прво меч 0:4)
Борусија Дортмунд – Бенфика 4:0 (0:1)