Снегот на „Еколог арена“ во Тетово го помести почетокот на дербито меѓу Шкендија и Вардар во воведното пролетното коло во фудбалското првенство на Македонија. Белата наметка моментно се чисти и се очекува тревникот да биде оспособен за судирот на „црвено-црните“ екипи до 14,15 часот или најдоцна до 14,30 часот. Почетокот на натпреварот беше најавен за 14 часот.
Такви или слични проблеми нема на другите четири стадиони на кои денеска се игра прволигашки фудбал. За десетина ќе започнат средбите Работнички – Ренова, Шкупи – Академија Пандев, Победа – Пелистер и Силекс – Скопје.
Лидер на табелата по 18. кола во првиот дел на сезоната е Шкендија со 46 бода, осум повеќе од Вардар и 15 од Силекс на третата позиција. Од четвртото до седмото место се Академија Пандев со 25 бода, Работнички и Шкупи имаат по 23 и Победа со 19. Ренова е осма со 18 бода, претпоследен е Пелистер со 16 и Скопје со 10.