Македонија Ѓ.П. и Академија Пандев ќе играат во финалето на македонскиот фудбалскиот Куп на 22 мај. До третиот меч за титула во најмасовното натпреварување, ѓорчепетровци стигнаа низ полуфинален двомеч со Беласица. По минималниот триумф (1:0) во првиот меч во Струмица, „црвено-жолтите“ забележаа идентична победа и на домашен терен (автогол на Џонов) и со вкупни 2:0 обезбедија дуел за пехарот, прв по пауза од десет години. Во 2009 година загубија на пенали од Работнички, три години претходно ја совладаа Шкендија со 3:2.

Првпат во улога на Куп финалист ќе биде тимот на Академија Пандев. „Пандевци“ пред еден месец триумфира над Победа, како домаќини во Струмица, со 3:1, а денеска го репризираа резултатот и како гости на прилепчани во Кавадарци. Каланоски погоди за водство на фенерџијата на прволигашката табела по што следуваа три гола за пресврт на Стоилов, на Велинов и на Стојкоски.

Вардар и Шкендија ќе се пресметаат за титулата во младинското Куп финале. Вардарци во полуфиналето го елиминираа Работнички, а тетовци беа подобри во двете средби со Академија Пандев.

Меч за пехарот во пионерска конкуренција осигураа Победа и Њу Старс кои во полуфиналето го поразија Работнички, односно, Шкупи.