Се шири примената на ВАР технологијата во натпрееварувањата под капа на УЕФА. Видео системот од оваа сезона ќе почне да се користи и во Лига Европа (од нокаут фазата), за првпат ќе биде присутен и во финалето во женската Лига на шампиони, а во 2021 година и на ЕП во женска конкуренција.
Извршниот комитет на УЕФА во Љубљана потврди дека воведува и трето клупско натпреварување. Покрај Лигата на шампиони и Лига Европа, од 2021 година ќе стартува и т.н. Конференциска лига чии мечеви се планирани да се играат во четврток во два термина (18.45 ч. и 21 ч.) во кои ќе бидат и мечевите во Лигата на шампиони (вторник и среда) од 2021 година.
Членовите на ИК на УЕФА донесоа одлука и за засадување на 600.000 дрвца во 12. градови домаќини на Европското првенство во 2020 година во која се одбележуваат шест децении од првиот континентален турнир.
Меѓу одлуките од синоќешниот состанок во Љубљана и за физибилити студија за формирање на независна Европска агенција против наместени фудбалски натпревари. Од словенечката престолнина и препорака до сите 55 национални фудбалски федерации и сите европски клубови да не играат мечеви во земји во кои е забренет влез за жени на стадиони.
Наредниот состанок на ИК на УЕФА ќе се одржи на 4 декември во Нион.