Шпанија е без пораз во квалификации за Светските фудбалски првенства цели 24 години. Триумфот против Израел во петокот е само продолжува на фуриозната низа на „фуријата“.
Последниот пораз на шпанската репрезентација ѝ го нанесе Данска во 1993 година која со Петер Шмајхел на голот и Михаел Лаудруп во нападот славеше со 1:0 во квалификациите за СП 1994 во САД. Оттогаш Шпанците ја освоија и титула во Јужна Африка.
Во меѓувреме без пораз ги завршија циклусите за СП 1998 во Франција, за СП 2002 во Јужна Кореја и Јапонија, за СП 2006 во Германија и за СП 2014 во Бразил. Шпанија е доминантна и во групата за СП 2018 во Русија. Лидер е на табелата со 13 бода колку што има и Италија, но поради подобрата гол разлика ја држи и пол-позицијата.
Шпанија во наредното квалификациско коло за СП 2018, на 11 јуни, ќе гостува во Скопје на репрезентацијата на Македонија.