Ибрахими објаснува дека, сега-засега, тие остануваат во опозиција, а за секој нов предизвик, како што вели, ќе се произнесат. Сепак, прво ќе почекаат да се случи средбата на нивниот лидер Африм Гаши и Заев, за да слушнат кои се размислувањата на премиерот во однос на партиципирањето на Алтернатива во новото мнозинство, а и неговата понуда, а потоа ќе заседаваат партиските тела.
Алтернатива ја прифати поканата на премиерот во оставка Зоран Заев за средба со лидерот Африм Гаши, но каква ќе биде нивната одлука околу можноста партијата да стане дел од парламентарното мнозинство, односно дел од Владата ќе се знае наредната недела кога се очекува да се изјаснат највисоките партиски тела.
Зекирија Ибрахими во изјава за Плусинфо вели дека на 23 ноември, во вторник, треба да се одржи состанок на Централното претседателство на партијата, а потоа одлуката што ќе биде донесена во тој партиски состав ќе треба да помине и на партиското Собрание, кое е највисоко тело на Алтернатива.
Ибрахими објаснува дека, сега-засега, тие остануваат во опозиција, а за секој нов предизвик, како што вели, ќе се произнесат. Сепак, прво ќе почекаат да се случи средбата на нивниот лидер Африм Гаши и Заев, за да слушнат кои се размислувањата на премиерот во однос на партиципирањето на Алтернатива во новото мнозинство, а и неговата понуда, а потоа ќе заседаваат партиските тела.
Во врска со тоа како ги коментира неофицијалните информации во јавноста дека во Алтернатива постојат два табори од кои едниот би можел да повлече пристапување на партијата во власта, а другиот во опозиција, Ибрахими вели дека би останал воздржан по ова прашање.