Основачоит на Мајкрософт, Бил Гејтс вели дека за вакцина против ковид-19 веројатно ќе бидат потребни 18 месеци, но парите не би ребало да претставуваат проблем за нејзин развој.

За развивање на вакцини, вообичаено се потребни пет-шест години, рече Гејтс за „Би-Би-Си“, меѓутоа додаде дека поради брзото ширење на глобалната пандемија, тој процес мора да биде побрз.

Истовремено најави дека парите за развој на вакцина нема да бидат пречка и нагласи оти е среќен што ќе продолжи да донира средтва, пренесува „Дејли Мејл“.

„Правиме се што можеме. Ќе пишуваме чекови побрзо одошто можат владите. Парите не треба да бидат ограничување“, потенцира Гејтс.

Гејтс притоа напомена дека има помалку безбедносни тестови од вообичаеното со цел што поскоро д асе дојде до вакцина. „Владите ќе мора да одлучат“, додаде тој.