Published: Tuesday, June 1, 2021 18:45
Финансиските извештаи што ги направи Општина Охрид покажаа фрапантни податоци за нелегално остварен приход од дури 190 милиони денари за четири години, пракса на градење на бизниси на сметка на општината што мора да запре, нагласува градоначалникот на Охрид, Константин Георгиески на својот Фејсбук профил. Неговата реакција се однесува бесправно изградените објекти на плажите долж брегот на Охридското Езеро.
– Токму затоа во наредниот период започнуваме со интензивни активности за чистење на бреговите „Елешец“, Студенчишта“ кон „Горица 1“ и плажите во делот на населбата на „Канео“, кои се опфатени во Генералниот урбанистички план. Општина Охрид повторно апелира дека во овој процес никој нема да биде поштеден, порачува Георгиески.
Георгиески воедно упати покана до еколошките здруженија кои будно ги следат состојбите во Охрид да се вклучат во целиот процес и да помогнат околу уредување на плажите.