Германија ќе ги поддржи одбиените баратели на азил кои доброволно ќе се вратат во родните земји со еднократна исплата на 3.000 евра.
Министерството за внатрешни работи на Германија соопшти дека мигрантите кои ги исполнуваат условите може да се пријават до 28 февруари, а дека парите ќе ги добијат откако ќе се вратат во татковината.
На мигрантите кои ќе се согласат да се вратат дома пред донесување на одлука на барањето за азил, претходно им беше понудено 1.200 евра, а за децата 600 евра.
Во досегашната програма за повратници, од февруари до октомври учествувале 8.639 мигранти, додека во Германија има околу 115.000 одбиени баратели на азил, наведува германскиот неделник „Билд ам Зонтаг“. Многу од нив не може да бидат депортирани од хуманитарни причини.