Германскиот Уставен суд во Карлсруе пресуди против 11 годишно девојче од конзервативна муслиманска фамилија и донесе одлука дека таа мора да оди на настава по пливање со другите ученици од своето училиште, нешто што нејзините родители го сметаат за кршење на исламските закони за облекување, дури и ако носи пливачко одело кое го покрива целото тело.
Овој судски процес доби голем медиумски простор во екот на јавните дебати кои се водат во Германија за улогата на Исламот и повеќе од милион бегалци, кои таму стигнаа благодарејќи на политиката на „отворени врати“ кои ги заговара канцеларката Ангела Меркел.
Но, и самата Меркел направи одредени отстапки кога пред неколку дена истакна дека предлогот за забрана за носење на нихаб, односно потполно прекривање на лицето, по паламентарните избори следната година би можела да се оствари.
Во судскиот спор во пониските судови, родителите на 11годишното девојче ја застапувале тезата дека пливачкото одело го открива обликот на нејзиното тело и тоа се противи на законите на Исламот. Но, Уставниот суд утврдил дека пониските судови ја побиле таа тезата откривајќи дека „во исламот нема обврзувачки правила“ кои би дефинирале која облека е соодветна.