Германија ја надмина бројката од 100.000 смртни случаи од ковид-19 и објави рекордно високо ниво во бројот на новозаразени и бројки за инциденца од седум дена.
Бројките од Институтот за контрола на болести „Роберт Кох“ (РКИ) објавени рано утрово покажуваат дека од почетокот на пандемијата во земјата починале 100.119 луѓе од или со ковид-19.
Бројот на регистрирани новозаразени во еден ден, исто така, за првпат е над 70.000, поточно здравствените власти пријавија 75.961 случај за 24 часа, што е за преку 10.000 повеќе во споредба со една недела претходно (65.371).
Последната седумдневна инциденца е 419,7, што претставува уште еден рекорд од почетокот на пандемијата. Ден претходно беше 404,5, а една недела претходно беше 336,9. Бројката означува број на инфекции на 100.000 луѓе во последната недела.
Во последното деноноќие се регистрирани 351 нов смртни случаи, во споредба со 264 една недела порано.
Институтот регистрира 5.573.756 милиони заразени лица со коронавирус од почетокот на пандемијата. Се смета дека вистинската бројка е многу поголема, бидејќи многу случаи остануваат неоткриени. Бројот на оздравени од коронавирус во Германија сега достигна 4.744.400 милиони луѓе.