Германија го има најсилниот пасош во светот, Македонија е на 41 место на најновиот индекс на патни исправи објавен неодамна. Листата упатува дека германските граѓани се сопственици на највредниот документ за патување со кој може да посетат најмногу држави (158) на планетата без потреба од виза.
На делба на второто место се пасошите на Шведска и на Сингапур (не е потребна виза за 157 земји), а по нив следуваат на Велика Британија, Данска, Финска, Шпанија, Швајцарија, Норвешка и на САД (156).
Македонскиот пасош е осамен на, релативното, 41 место (без виза во 70 земји). Велиме релативно од причина што на повисоките позиции на листата се наоѓаат по повеќе земји.
Најслабо позициониран е пасошот на воено разорениот Авганистан со кој неговите жители може слободно да патуваат во само држави – Хаити, Микронезија и Сент Винсент и Гренадина. Втор најслаб индекс има пакистанскиот пасош (без виза во Доминика, Хаити, Микронезија, Сент Цнсент и Гренадина, Тринидад и Тобаго и Вануату). При дното се патните исправи на Ирак, Сирија, Сомалија, Етиопија, Јужен Судан, Шри Ланка и Бангладеш.
Комплетната листа може да ја погледнете на линкот подолу
www.passportindex.org/byRank.php