Лидерите на државите членки на НАТО вчера одобрија заедничка Декларација на Самитот на Алијансата во Брисел. Таа се состои од повеќе точки, од кои главните се: взаемната заштита, финансирањето, командната структура, односите со Русија, мисијата во Ирак и други.
Потврдена клаузулата за взаемна заштита
Секој напад врз еден сојузник ќе се смета за напад врз сите нас, како што предвидува Членот 5 од Вашингтонскиот договор.
Ќе продолжиме да се дејствуваме заеднички и врз основа на солидарноста, заедничките цели и праведна размена на товарот.
Трошоци за одбраната
Ја потврдуваме нашата непоколеблива посветеноста од сите аспекти на ветувањето за инвестиции во одбраната, договерно на самитот во Велс во 2014 година и да се донесат сигурни национални планови за негово спроведување, вклучувајќи и упатства за трошење до 2024 година, планирани можности и придонеси.
Русија
Продолжуваме да реагираме на влошената безбедносна ситуација преку подобрување на нашата состојба на одвраќање и одбрана, вклучително и преку зголемено присуство на источниот дел на Алијансата.
Освен тоа, иако продолжува замрзнувањето на целата практична цивилна и воена соработка меѓу НАТО и Русија, остануваме отворени за политички дијалог –НАТО не бара конфронтација и не претставува закана за Русија.
Украина
Категорично ја осудуваме незаконската и нелегитимна анексија на Крим од страна на Русија која не ја признаваме и нема да ја признаеме.
Тероризам
Ќе продолжиме да ги подобруваме нашите способности и технологии, вклучувајќи и заштита од импровизирани експлозивни направи и хемиски, биолошки, радиолошки и нуклеарни закани и злоупотребата на модерните технологии од страна на терористите.
Старт на иницијативата за борбена готовност
Ќе обезбедиме висококвалификувани и високоспособни сили со висок степен на поготвеност кои ќе бидат достапни за НАТО.
Во заедничкиот резервен состав сојузниците ќе располагаат и со дополнителни 30 големи поморски единици, 30 тешки или средни маневарски баталјони и 30 кинетички ескадрили кои ќе бидат подготвени за акција за 30 или помалку денови.
Вселена
Признавајќи дека Вселената е високо динамична и брзорастечка област која е од голема важност за координирана одбрана на Алијансата, се согласуваме да развиваме Вселенска политика на НАТО.
Подобрена командна структура
Ќе формираме Оперативен центар за кибернетскиот простор со седиште во Белгија за да обезбедиме координација на оперативнитите активности на НАТО, единствен центар за заедничка команда во Норфолк САД со цел да ги заштитиме трансатлантските комуникациски врски и функционирањето и одржливост во оддалечените области низ Европа и пошироко.
Мисијата во Ирак
Започнуваме со мисија во Ирак за невоена обука и изградба на потенцијал на одбрана на ирачката Влада и за понатамошна поддршка на напорите за стабилизирање на земјата.
Во завшниот документ од Форумот на 23 страници како шпто објави руската агенција ТАСС се посочува дека и во случај на хибриден напад Северноатлансткиот совет може да донесе одлука за активирање на Членот 5 од Вапингтонскиот договор исто како во случај на вооружен напад.
Во Декларацијата се повикува Русија да ги повлече своите сили од суверените територии на Молдавија (Придњестровје), Украина (Крим и сепаратистичките територии) и Грузија (Абхазија и Јужна Осетија).
Освен тоа земјите членки се обврзуваат да ја ослободат Алијансата од зависноста од оружјето од советско и руско производство.