Еден од најугледните професори на универзитетот „Сорбона“ во Франција и врвен онколог, Жозеф Глигоров порачува дека треба да се верува на науката и дека вакцинацијата е единствен спас во борбата со коронавирусот. Тој во интервју за Телевизија 24 вели дека стапката на смртност во Македонија од Ковид – 19 е блиска во спроедба со другите земји. Младите и здравите пациенти кои се заразуваат, вели немаат агресивна форма, но тоа не значи дека не го пренесуваат вирусот и дека не треба да се вакцинираат.
Во однос на ограничувањата по однос на невакцинирани граѓани тој вели:
„Кога веќе говорите за демократија трбеа да се прочита одново „Репбулика“ од Платон. Во неа многу убаво пишува дека личната слобода се брише пред општествената слобода. Ако личната слобода придонесува ризик за целиот да не биде слободен, тогаш ризик е да се оди само на лична слобода, а не на општествена. Еден дел од демократијата и исто тоа чувство дека сите сме заедно, имаме различни животи, патишта и функции, ама независно од тоа сите живееме под исти простор, дали било на ниво на држава, град… Е, сега тоа што јас го направам за себе, ако на некој друг му штети, на жалост, целиот систем го расипувам, така што таа демократија што е, прво мојата слобода, а за другите да не пазам, не е принципит на демократија. Историски како што е обележана во првите дефиниции на демократија на самиот Платон… За другото тоа дали сметам дека треба да биде задолжително, на пример во Франција од 1 септември сите вработени во болниците мора да се вакцинирани. Задолжително е и нема дискусии“.