Новинарката со долгогодишно искуство Менче Точи, која, речиси, цела кариера ја посвети на здравството и проблемите во тој сектор, го напуштан новинарството и во иднина ќе биде раководител на секторот за односи со јавнмост при Фондот за здравствено осигурување.

По многу години поминати во новинарството, по многу труд, непроспиени ноќи, работење и за празник и делник, безброј истражувања, добиени највисоки награди, вклучувајќи ја и таа за Животно дело, можеби е време моето знаење и искуство да го насочам на друго место каде ќе бидам од помош, кон институција која е клучна за осигурениците и лекарите – Фонд за здравствено осигурување, напиша Точи на Фејсбук.

На новата работна позиција се сели, како што и самата објави на Фејсбук, најрегуларно и по избор на конкурс кој бил објавен во декември во три дневни весници. Ги минала, наведува, сите филтри, а за отвореното место немала противкандидат.

„Конкурирав регуларно, на оглас кој беше објавен во три дневни весници, ги поминав сите тестови и писмени и усни што беа за раководно лице и треба да раководам со секторот за односи со јавност. Немаше друг пријавен за ова раководно место, односно немаше противкандидат за да ги одмериме силите и бодовите во Агенцијата, кои кај мене како што се гледа и не се малку“, се вели меѓудругото во Фејсбук постот на Точи.

С.Д.