Монако, кој се наоѓа на претпоследното место во Лига 1, за нов тренер на екипата повторно го назначи Леонардо Жардим кој на почетокот на октомври лани доби отказ во клубот.
Разделбата меѓу клубот и Португалецот се случи по деветтото коло во француската фудбалска лига по кое екипата имаше само шест освоени бода. На негово место беше назначен поранешниот репрезентативец на „триколорите“ за кого беше прв самостоен ангажман по работата со младата екипа на Арсенал по што му асистираше и на селекторот Роберто Мартинез во репрезентацијата на Белгија.
Под водство на Анри не се случи ни мал исчекор на подобро на стадионот „Луј Втори“. Во 12 меча, Монако освои девет бода, во последните пет ремизира двапати, а минатиот викенд доживеа дебакл на домашен терен од Стрзбург (1:5).
Жардим се враќа во тимот што го водеше од 2014 година до 2018 година, откако потпиша договор до 2021 година. Но, старото работно место ќе го преземе од наредниот викенд додека во гостинскиот дуел со Дижон, директен ривал за опстанок, „кнезовите“ се доверени на в.д. тренерот Франк Паси.