Новак Ѓоковиќ понуди финансиска помош на поранешниот свој тренер Борис Бекер, откако Стечајниот суд во Лондон во минатата недела прогласи банкрот за германската тениска легенда по барање на приватата банка „Арбутнот&Лејтам“ за долг од 3,5 милиони евра од 2015 година.
„Го сакам Борис како личност. Секогаш сум тука за него. Ако можам да му помогнам на било каков начин, ќе го направам тоа. Му реков дека може да смета на мене. Иако не работиме заедно, сепак, сме пријатели. Многу блиски пријатели“, стои во изјава на Ѓоковиќ што ја пренесува германси „Велт“.
Ѓоковиќ и Бекер се очекува да се сретнат во Лондон за време на Вимблдон. Според медиумите, тоа ќе биде одлична прилика за Србинот да се запознае со ситуацијата на Бекер во четири очи.
„Ми рече дека не е толку страшно и дека медиумите ја направиле ситуацијата да биде драматична. Тоа е се што знам“, додаде српскиот тенисер по веста дека му понудил безусловна помош на банкротираниот Германец.