Новак Ѓоковиќ на прес-конференција во Лондон во пресрет на дуелот со Марин Чилиќ на завршниот Мастерс одговараше и на прашања од друга тематика покрај тениската. Србинот притоа истакна дека нема ништо против припадници на ЛГБТ популацијата во „белиот“ спорт и нивно признавање на сексуалната ориентација го смета за храбар потег.
„Немам ништо против тоа. Секој има право на сексуална ориентација, желба и било каков правец во животот. Го почитувам тоа“, рече Ѓоковиќ пред новинарите во Лондон.
Најдобриот светски тенисер во моментот, според АТП ранг листата, вели дека не ги дели луѓе по сексуална ориентација.
„Не гледам поинаку на луѓето ако така се претстават. За мене тоа е храбар потег бидејќи одреден дел од планетата не е во состојба да прифати такво нешто“, додаде српскиот тениски ас.
Ѓоковиќ обезбеди полуфинале на завршниот Мастерс во Лондон по два одиграни меча во групата фаза. Во првото коло беше подобар од Џон Изнер, во второто го совлада и Александар Зверев. Утревечер (21 ч.) во „О2 арена“ ќе игра и против Марин Чилиќ во меч што нема никакво резултатско значење по него за изгледот на табелата во „Густаво Кернтен“ групата.