Пораз во четврт-финале, губење на титулата во Париз, пад на АТП листата. Новак Ѓоковиќ доживеа нов силен удар по сопствените амбиции во тековната тениска сезона. Австриецот Доминик Тим, шести носител, ја доби пресметката со Србинот со убедливи 7:6 6:3, 6:0 и се најави на мегдан со Рафаел Надал за големото финале на Ролан Гарос.
„Сите големи играчи минуваат низ ова. Морам, се чини, и јас. Лекцијата треба да биде научена и да изнајдам начин како да излезам посилен. Бев очаен во третиот сет. Ништо не ми поаѓаше од рака во третиот сет за разлика од Тим кој успеваше во секоја намера. Победникот, мислам, беше решен во воведниот сет. Се обидов да вратам, но се случи тој брејк уште на почеток на наредниот што беше клучен момент. Доминик ја заслужи победата. Нема што. Беше подобар на теренот“, рече Ѓоковиќ по елиминацијата.
Во второто полуфинале на машкиот турнир на Ролан Гарос ќе играат Енди Мареј и Стан Вавринка. Британецот во четри сета го совлада Кеи Нишикори со 2:6, 6:1, 7:6, 6:1, додека Швајцарецот одигра сет помалку против Марин Чилиќ за конечни 6:3, 6:3, 6:1.
Симона Халона и Каролина Плишкова, пак го комлетираа полуфиналниот квартет кај дамите. Романката, со пресврт, против Елина Свитолина успеа да опстане на Отвореното тениско првенство на Франција. Украинката имаше водство по првиот сет (6:3) и во вториот беше на чекор до најголем успех во кариерата. Но, тај-брејкот заврши на страна на третата фаворитка на турнирот за израмнување на 1:1, а во решавачкиот ја остави противничката на нула.
Чешката тенисерка се задржа пократко на терен од нејзината романска тенисерка. Во два сета ја архивира Каролин Гаријa со 7:6, 6:4 за нејзин највреден резултат во кариерата во Париз.
Ролан Гарос
Мажи, четврт-финале
Тим (Австрија) – Ѓоковиќ (Србија) 7:6, 6:3, 6:0
Мареј (1., В. Британија) – Нишикори (Јапонија) 2:6, 6:1, 7:6, 6:1
Вавринка (3., Швајцарија) – Чилиќ (Хрватска) 6:3, 6:3, 6:1
Надал (4., Шпанија) – Карено Буста (20., Шпанија)
Жени, четврт-финале
Халеп (3., Романија) – Свитолина (5., Украина) 3:6, 7:6, 6:0
Ка. Плишкова (2., Чешка) – Гарсија (Франција) 7:6, 6:4