Се отвора ли патот за Лина Ѓорческа до деби во главна ждрепка на гренслем турнир? – Најдобрата македонска тенисерка во третиот обид успеа да остане подолго од еден меч во квалификациите за Ју-Ес опен. И тоа преку најзвучното име во нејзиниот дел од костурот. По елиминациите во 2016 година од Катрин Белис од САД (0:6, 2:6) и во 2017 година од Австралијката Дестени Ајава (6:4, 4:6, 3:6), 24 годишната тетовка направи голем пресврт во дуелот со Американката Лора Дејвис и по повеќе од два часа игра да слави со 6:7, 7:6, 6:3.
Ѓорческа во второто коло, вечерва, ќе игра со Јана Фет од Хрватска (128. на ВТА ранг листата). Мечот е закажан за 20 часот, но почетокот ќе зависи од времетраењето на претходните дуели на теренот на кои ќе играат. Подобрата во квалификациското финале ќе игра со победничката од пресметката меѓу Даниеле Лао од САД (236. на ВТА листата) и Швајцарката Кони Перин (148. на ВТА листата).
Триумфот на Ѓорческа над Дејвис е дотолку поголем ако се има предвид паузата што ја имаше по низата повреди и операцијата на зглобот на раката. Но, Лина успешно се рехабилитира по хируршкиот зафат, со несмален интензитет се врати на тренинзите. Желбата, мотивите и решителноста за враќање на позициите на ВТА листата на кои беше пред отсуството беше голема се валоризира низ квалификациска победа во Њујорк над ривалка која во мај во минатата година стигна до 26. место во светот. Наредна е Фет, зошто да не и Лао или Перин, зошто да не и настап на главниот турнир на Ју-Ес опен.